Ghazal By Urdu Poet Waseem Barelvi – Mujhe bujhaa de
Mujhe bujhaa de, meraa dard mukhtasar* kar de
Magar diye ki tarah mujh ko mo’atbar* kar de
mukhtasar : Kam (shorten), mo’atbar : bharose ke laiq (trustworthy)
Meri talaash ko be-naam-o-be-safar kar de
Main teraa raastaa chhoruuN to dar-ba-dar kar de
Judaaiyon ki ye raaten to kaatni hongi
Kahaaniyon ko koi kaise mukhtasar kar de
Tere khayaal ke haathon kuch aisaa bikhraa hun
Ke jaise bachchaa kitaaben idhar-udhar kar de