DilSeDilTak.co.in

Shayari, SMS, Quotes, Jokes And More....







Firaq Gorakhpuri Shayari – Raat Aadhi Se Jyada Gayi Thi, Sara Aalam Sota Tha

Raat Aadhi Se Jyada Gayi Thi, Sara Aalam Sota Tha;
Naam Tera Le Le Kar Koi Dard Ka Maara Rota Tha;

Charagaron, Ye Taskin Kaisi, Main Bhi Hun Is Duniya Mein;
Unko Aisa Dard Kab Utha, Jinko Bachana Hota Tha;

Kuch Ka Kuch Keh Jata Tha Main Furkat Kee Betabi Mein;
Sunane Wale Hans Padte The Hosh Mujhe Tab Aata Tha;

Tare Aksar Doob Chale The, Raat Ko Rone Walo Ko;
Aane Lagi Thi Neend Si Kuch, Duniya Mein Savera Hota Tha;

Tark-E-Mohabbat Karne Walo, Kaun Aisa Jag Jeet Liya;
Ishq Ke Pehle Ke Din Socho, Kaun Bada Sukh Hota Tha;

Uske Aansu Kisne Dekhe, Uski Aahein Kisne Suni;
Chaman Chaman Tha Husn Bhi Lekin Dariya Dariya Rota Tha;

Pichala Pahar Tha Hizr Kee Shab Ka, Jagta Rab, Sota Insan;
Taaron Kee Chanv Mein Koi ‘Firaq’ Sa Moti Pirota Tha!

Leave a Reply







DilSeDilTak.co.in © 2015