DilSeDilTak.co.in

Shayari, SMS, Quotes, Jokes And More....

Ghazal By Wasim Barelvi – Zara sa qatara kaheen aj agar ubharata hai

Zara sa qatara kaheen aj agar ubharata hai
samandaron hi ke lahaje mein baat karta hai

khuli chaton ke diye kab ke bujh gaye hote
koi to hai jo hawaon ke par katarata hai

sharafaton ke yahan koi ahamiyat hi nahi
kisi ka kuch na bigado to kon darta hai

zamin ke kaisi viqalat ho phir nahi chalati
jab aasman se koi faisala utarata hai

tum aa gaye ho to phir kuch chandani si baten hon
zamin pe chand kahan roz roz utarata hai

Leave a Reply

DilSeDilTak.co.in © 2015