DilSeDilTak.co.in

Shayari, SMS, Quotes, Jokes And More....

Best Shayari by Nida Fazli

Nida Fazli – Dene waale ne diya sab kuchh ajab andaaz se

Dene waale ne diya sab kuchh ajab andaaz se
Saamne duniya padi hai aur utha sakte nahin


Advertisements
Updated: May 16, 2015 — 11:51 am

Nida Fazli – Mohabbat mein wafadari se bachiye

Advertisements
loading...

Mohabbat mein wafadari se bachiye
Jahan tak ho adakari se bachiye

Har ek soorat bhali lagti hai kuch din
Lahoo ki shobda-kaari se bachiye

Sharafat aadmiyat dard mandi
Bade shehron mein beemaari se bachiye

Zaroori kya har ek mehfil mein aana
Takalluf ki rawadaari se bachiye

Bina pairon ke sar chalte nahi hain
Buzurgon ki samajhdaari se bachiye

Updated: May 16, 2015 — 11:51 am

Nida Fazli – Munh ki baat sune har koi

Munh ki baat sune har koi
Dil ke dard ko jaane kaun
Aawazo’n ke baazaro’n me
Khaamoshi pahachane kaun

Sadiyo’n-Sadiyo’n wahi tamaasha
Rasta-Rasta lambi khoj
Lekin jab hum mil jaate hai
Kho jaata hai jaane kaun

Jane Kya-Kya bol raha tha
Sarhad,pyar kitabe,khoon
Kal meri neendo’n me chhupkar
jaag raha tha jaane kaun

Main uski parchhai hoo’n ya
Wo mera aaina hai
Mere hi ghar me rahta hai
Mere jaisa jaane kaun

Kiran-Kiran alsaata sooraj
Palak-Palak Khulti neende’n
Dheeme-Dheeme bikhar raha hai
Jarra-Jarra jaane kaun

Updated: May 16, 2015 — 11:51 am

Nida Fazli – Aankhon ka jaam likho julf ki barsat likho

Aankhon ka jaam likho julf ki barsat likho
Jis se naraz ho us shakhs ki har baat likho

Jisse milkar bhi na milne ki kasak baaki hai
Usi anjaan shahanshah ki mulakat likho

Jism maszid ki tarah aankhe namazon jaisi
Jab gunahon me ibaadat thi wo din raat likho

Is kahani ka to anzaam wahi hai jo tha
Tum jo chaaho to mohabbat ki shuruaat likho

Jab bhi dekho use apni nazar se dekho
Koi kuchh bhi kahe tum apne khyaalat likho

Updated: May 16, 2015 — 11:51 am

Nida Fazli – Kahi kahi se har chehara tum jaisa lagta hai

Kahi kahi se har chehara tum jaisa lagta hai
Tumko bhool na paaenge hum aesa lagta hai

Aesa bhi ek rang hai jo karta hai baate bhi
Jo bhi isko pahan le wo apna sa lagta hai

Tum kya bichhade bhool gaye rishto ki sharafat hum
Jo bhi milta hai kuchh din hi achchha lagta hai

Ab bhi yoo milte hai humse phool chmeli ke
Jaise inse apna koi rishta lagta hai

Aur to sab kuchh thik hai lekin kabhi kabhi yoon hi
Chalta firta shahar achaanak tanha lagta hai

Updated: May 16, 2015 — 11:51 am

Nida Fazli – Har ghadi khud se uljhana hai muqaddar mera

Har ghadi khud se uljhana hai muqaddar mera
Main hii kasti hoo’n mujhi me hai samandar mera

Kisse poochhoo’n ki kaha’n gum hoo’n barso’n se
Har jagah dhundhata firta hai mujhe ghar mera

Ek se ho gaye hai mausmo’n ke chehare saare
Meri aankho’n se kahi’n kho gaya hai manzar mera

Muddate’n beet gai khwaab suhana dekhe
Jaagta rahta hai har neend me bistar mera

Aaina dekh ke nikla tha main ghar se baahar
Aaj tak haath me mahfooj hai patthar mera

Updated: May 16, 2015 — 11:51 am

Nida Fazli – Garaj baras pyaasi dharti par phir paani de maula

Garaj baras pyaasi dharti par phir paani de maula
Chidiyon ko dana bachhon ko guddhani de maula

Do aur do ka jod hamesha chaar kahan hota hai
Soch samajh waalon ko thodi naadani de maula

Phir roshan kar zaher ka pyaala chamkaa nayee saliben
Jhoothon ki duniya mein sach ko taabaani de maula

Phir moorat se baahar aakar chaaro or bikhar ja
Phir mandir ko koi meera deewani de maula

Tere hote koi kisi ki jaan ka dushman kyon ho
Jeene waalon ko marne ki aasani de maula

Updated: May 16, 2015 — 11:51 am

Nida Fazli – Besan ki sondhi roti par, Khatti chatni jaisi maa

Besan ki sondhi roti par, Khatti chatni jaisi maa
Yaad aati hai chauka, baasan, Chimta, phoonkni jaisi maa

Baans ki khurri khat ke oopar, Har aahat par kaan dhare
Aadhi soi aadhi jaagi, Thaki dopahari jaisi maa

Chidiyon ke chahkar mein gunje, Raadha- mohan ali – ali
Murge ki aawaz se khulti, Ghar ki kundi jaisi maa

Biwi, beti, behan, padosan Thodi thodi si sab mein
Din bhar ik rassi ke oopar, Chalti natni jaisi maa

Baant ke apna chehra, maatha, Aankhen jaane kahan gai
Phate puraane ik album mein Chanchal ladaki jaisi maa

Updated: May 16, 2015 — 11:51 am
Page 1 of 212
loading...
Loading...
DilSeDilTak.co.in © 2015