Shayari, SMS, Quotes, Jokes And More….
Ke mohobbat ek ehsaason ki paawan si kahaani hai…
kabhi kabira deewana tha kabhi meera diwaani hai…
Yahaan sab log kehte hain meri aakho mein aasu hain…
Jo tu samjhe toh moti hain jo na samjhe toh paani hain…
Mere jeene me marne me tumhara naam aaye
game saanse rok lu fir bhi yahi ilzaam aayega
har ek dhadkan me jab tum ho to fir apraadh kya mera
agar radha pukaregi to fir ghanshyam aayega…
Na pane ki khushi hai kuch, na khone ka hi kuch gam hai,
ye daulat aur shohrat sirf kuch jakhmo ka marham hai,
ajab si kasmkash hai roj jeene me, roj marne me,
mukkamal zindagi to hai magar poori se kuch kam hai.
Samandar peer ke andar hain lekin ro nahi sakta…
Yeh aansu pyaar ke moti hain isko kho nahi sakta…
Meri chahat ko dulhan tu bana lena magar sun le…
Jo mera ho nahi paaya woh tera ho nahi sakta…
koi kab tak mahaj soche, koi kab tak mahaj gaaye
ilahi kya ye mumkin hai k kuch aisa bhi ho jaye.
mera mehtaab uski raat ke aagosh me pighale.
me uski neend me jaagu wo mujhme ghul ke so jaye.
Dil Toh Karta Hai Khair Karta Hai,
Aapka Jikr Gair Karta Hai,
Kyo Na Main Dil Se Du Dua Usko,
Jabki Woh Mujhse Bair Karta Hai,
Aap Toh Hubhu Wohi Hain Jo,
Mere Sapno Mein Sair Karta Hai,
Ishq Kyu Aapse Yeh Dil Mera,
Mujhse Pooche Bagair Karta Hai,
Ek Jarra Duayen Maa Ki Le,
Aasmano Ki Sair Karta Hai…
– Dr. Kumar Vishvas
Main Uska Hun, Wo Is Ehsaas Se inkaar Karta Hai…
Bhari Mehfil Mein Bhi Ruswaa Har Baar Karta Hai…
Yakin Hai Saari Duniya Ko Khafa Hai Humse Woh Lekin…
Mujhe Maaloom Hai Phir Bhi Mujhi Se Pyaar Karta Hai…
Ek do din me wo ikraar kaha aayega
Har subah ek hi akhbaar kaha aayega
Aaj bandha hai jo inn baaton me to bahal jayenge
Roj inn baahon ka tyohaar kaha aayega
Har Sada Paigam Deti Fir Rahi Dar Dar,
Chupiyon Se Bhi Bada Hai Chupiyon Ka Dar,
Roj Mosham Ki Sararat Jhelta Kab Tak,
Maine Khud Mein Rach Liye Kuchh Khusnuma Manjar,
Vakt Ne Mujhse Kaha Kuchh Chahiye Toh Kah,
Main Bola Sukriya Mujhko Maaf Kar,
Main Bhi Us Mushkil Se Gujra Hu Jo Tujh Par Hai,
Raah Nikalegi Koi Tu Samna Toh Kar…
– Dr. Kumar Vishvas
koi manzil nahi jachati safar accha nai lagta
agar ghar laut bhi aau to ghar accha nahi lagta
karu kuch bhi me ab duniya ko sab accha hi lagta hai
mujhe kuch bhi tumhare bin magar accha nahi lagta