DilSeDilTak.co.in

Shayari, SMS, Quotes, Jokes And More....

mirza ghalib shayari in hindi

Ghazal by Mirza Ghalib – Mujh ko shikast-e-dil ka maza yaad aa gaya

Mujh ko shikast-e-dil ka maza yaad aa gaya
Tum kyon udas ho kya yaad aa gaya

kehne ko zindagi thi bahut mukhtasar magar
kuch yun basar hui ke khuda yaad aa gaya

Waiz salam le ke chala maikade ko main
Firdaus-e-gumshuda ka pata yaad aa gaya

Barase bagair hi jo ghata ghir ke khul gai
Ek bewafa ka ahd-e-wafa yaad aa gaya

Mangenge ab dua ke use bhool jayen hum
Lekin jo wo bevaqt-e-dua yaad aa gaya

Hairat hai tum ko dekh ke masjid mein ae ‘Ghalib’
Kya baat ho gai jo khuda yaad aa gaya


Advertisements
Updated: January 23, 2015 — 4:45 pm

Ghazal by Mirza Ghalib – Saadagi par us ki mar jaane ki hasrat dil mein hai

Saadagi par us ki mar jaane ki hasrat dil mein hai
Bas nahin chalta ke phir khanjar kaf-e-qaatil mein hai

Dekhana taqareer ki lazzat ki jo usne kaha
Maine yah jaana ki goya yah bhi mere dil mein hai

Garche hai kis kis buraai se vale baayeen hama
zikr mera mujh se behtar hai ki us mahafil mein hai

Bas hujoom-e-na umeedi khaak mein mil jayagi
yah jo ik lazzat hamari sa_i-e-behasil mein hai

Ranj-e-rah kyon khe.nchiye vaamaandagi ko ishq hai
uth nahin sakata hamara jo qadam manzil mein hai

Jalwa zaar-e-aatish-e-dozakh hamara dil sahi
fitana-e-shor-e-qayamat kis ki aab-o-gil mein hai

Hai dil-e-shoriida-e-Gaalib tilism-e-pech-o-taab
raham kar apni tamanna par ki kis mushkil mein hai

Updated: January 23, 2015 — 4:45 pm

Ghazal by Mirza Ghalib – Bas Ke Dushwar Hai Har Kaam Ka Aasaan Hona

Bas Ke Dushwar Hai Har Kaam Ka Aasaan Hona
Aadmi Ko Bhi Mayassar Nahi Insaan Hona

Giryaa Chahe Hai Kharabi Mere Kashaane Ki
Dar-O-Deewar Se Tapke Hai Bayabaan Hona

Waye Deewangi-E-Shauq Ke Har Dum Mujh Ko
Aap Jana Udhar Aur Aap Hi Hairaan Hona

Ishrat-E-Qatal Ke Ahl-E-Tamanna Mat Pooch
Eid-E-Nazara Hai Shamsheer Ka Uriyaan Hona

Le Gaye Khaak Mai Hum Daag-E-Tamanna Aey Nishat
Tu Ho Aur Aap Ba’sad Rang-E-Gulistaan Hona

Ki Mere Qatal Ke Baad Us Ne Jafa Se Toba
Haye Is Zood Pashaiman Ka Pashaiman Hona

Haif Is Chaara’gar Kapre Ki Qismat Ghalib!
Jis Ki Qismat Mai Ho Aashiq Ka Girebaan Hona

Updated: January 23, 2015 — 4:45 pm

Ghazal by Mirza Ghalib – Guzro naa iss tarah kay tamasha naheen hoon main

Advertisements

Guzro naa iss tarah kay tamasha naheen hoon main
Samjho kay abb hoon aur dobaarah naheen hoon main
Ik Taba’ Rung Rung thee, so naz’r-e-Gul Huee
Abb yeh kay apnay saath bhee rehtaa naheen hoon main
Tum nay bhee meray saath uthaaye hain dukh bahut
Khush hoon kay Raah-e-Shoq main Tanhaa naheen hoon main
Peechay naa bhaag, Waqt kee aye naa shanaas Dhoop!
Saayon kay darmiyaan hoon, Saayah naheen hoon main
Jo kuch bhee hoon, main apni hee Soorat main hoon Aleem
Ghaalib naheen, Meer-O-Yagaanaa naheen hoon main

Updated: January 23, 2015 — 4:45 pm

Ghazal by Mirza Ghalib – Kisi Ka Ishq Kisi Kaa Khayal Thay Hum Bhi

Advertisements
loading...

Kisi Ka Ishq Kisi Kaa Khayal Thay Hum Bhi
Gaye Dinon Mein Boht Ba’kamal Thay Hum Bhi

Hamari Khoj Mein Rehti Thein Titlian Aksar
K Apny Sheher Ka Husn-O-Jamal Thay Hum Bhi

Zameen Ki Goad Mein Sir Rakh K So Gaye Akhir
Tumhary Hijr Mein Kitny Nidhal Thay Hum Bhi

Hum Aks Aks Bikharty Rahy Issi Dhun Mein
K Zindagi Mein Kabhi Laazwal Thay Hum Bhi

Kisi Ki Yaad Ne Hum Ko Nikama Kar Diya “GHALIB”
Warna Admi To Be’mesaal Thay Hum Bhi

Updated: January 23, 2015 — 4:45 pm

Ghazal by Mirza Ghalib – Aaina kyu na doon ke tamasha kahe jise

Aaina kyu na doon ke tamasha kahe jise
Aisa kaha se laau ke tujhasa kahe jise

Hasrat ne la rakha teri bazm-e-khayal me
Guldasta-e-nigaah suveda kahe jise

Phoonka hai kisne goshe mohabbat mein aye khuda
Afasuun-e-intazar tamanna kahe jise

Sar par hajum-e-dard-e-garibi se daliye
Wo ek musht-e-khak ke sahara kahe jise

Hai chashm-e-tar me hasarat-e-diidar se niha
Shauq-e-ina gusekhta dariya kahe jise

Darakar hai shiguftan-e-gul haye aish ko
Sub_h-e-bahar paba-e-miina kahe jise

“ghalib” bura na man jo vaiz bura kahe
Aisa bhii koii hai ke sab achchha kahe jise

Updated: January 23, 2015 — 4:45 pm

Ghazal by Mirza Ghalib – Wo Keh Ke Chalay Itni Mulaqat Bohot Hay

Wo Keh Ke Chalay Itni Mulaqat Bohot Hay
Maine Kaha Ruk Jao Abhi Raat Bohot Hay

Aansoo Mere Thum Jayein To Phir Shoq Say Jana
Aisay Main Kahan JaoGi Barsaat Bohot Hay

Wo Kehne Lagi Jana Mera Bohot Zaroori Hay
Nahi Chahti Dil Todun Tera Par Majboori Hay

Gar Hui Ho Koi Khata To Maaf Ker Dena
Maine Kaha Ho jao Chup Itni Kahi Baat Bohot Hay

Samajh Gaya Hon Sab Aur Kuch Kaho Zaroori Nahi
Bas Aaj Ki Raat Ruk Jao, Jana Itna Bhi Zaroori Nahi Hai

Phir Kabhi Na Aaonga Tumhari Zindagi Mein Lot Ke
Saari Zindagi Tanhayee Ke Liye, Aaj Ki Raat Bohot Hai

Updated: January 23, 2015 — 4:45 pm

Ghazal by Mirza Ghalib – yeh na thee hamaari kismat ke wisaal-e-yaar hota

Advertisements

yeh na thee hamaari kismat ke wisaal-e-yaar hota

agar aur jeete rehte yahee intezaar hota

tere waade par jiye ham to ye jaan jhooth jaanaa

ke khushee se mar na jaate agar aitabaar hota

teree naazukee se jaana ki bandha tha ahd-bodaa

kabhee tuu na tod sakta agar ustavaar hota

koi mere dil se pooche tere teer-e-neemkash ko

ye khalish kahaan se hotee jo jigar ke paar hota

ye kahaan ki dostee hai ke bane hain dost naaseh

koee chaarasaaz hota, koee ghamgusaar hota

rag-e-sang se tapakta wo lahoo ki fir na thamtaa

jise gham samajh rahe ho, ye agar sharaar hota

gham agarche jaan_gulis hai, pe kahaan bachain ke dil hai

gham-e-ishq gar na hota, gham-e-rozgaar hota

kahoon kis se main ke kya hai, shab-e-gham buree bala hai

mujhe kya bura tha marna, agar ek baar hota

hue mar ke ham jo ruswa, hue kyon na gharq-e-dariya

na kabhee janaaza uthata, na kaheen mazaar hota

usse kaun dekh sakta ki yagaana hai wo yaktaa

jo dooee ki boo bhi hotee to kaheen do chaar hota

ye masaail-e-tasawwuf, ye tera bayaan ‘Ghalib’ !

tujhe ham walee samajhate, jo na baada_khwaar hota

Updated: January 23, 2015 — 4:45 pm
loading...
Loading...
DilSeDilTak.co.in © 2015