Tag: Sher O Shayri By Attaullah Khan

Meri lahed se ho jab guzar tera,
Kuch der zara tum ruk jaana,
Phir haath uthakar sang dil tum,
Aankhon se moti barsaana,
Phir kabar se lipat ke sadik ki,
Tum dil ka haal suna jaana

Hakeekat hai ke mar kar bhi, unhe hum yaad rakhenge,
Ye gulshan unki yaadoon ka sada aabaad rakhenge,
Mere saat unka waada hai, meri koi kabar na khode,
Meri us aakhri ghar ki wo khud buniyaad rakhenge.

Chaman pe jo bhi thay nafiz usool uske thay,
Tamaam kaante hamare aur phool uske thay,
Main iltejaa bhi karta to kis tarha karta,
Nagar mein faisle sabko kabool uske thay.

koi keh gaye ye mohabbat k kharidaroo se
pyaar wo sheh hai jo milti nahi bazaroo se
hum to pehle se hi mohabbat mein jale baite hai
kyun darate to dahekte huve angaroo se

Mere Kuch Dost Mujhe Yoon Bhi Sataane Aaye;
Khud Mujhe Mera Hi Afsaana Sunaane Aaye;
Din Ke Dhalte Hue Lamhon Ki Kiran Wo Lekar;
Mere Tareek-E-Muqaddar Ko Jagaane Aaye!

na din ko sukun hai shatir na raat ko sukun hai
ye kaisa hampe umar ishk ka junun hai
jo rachaye hai tune hath mehandi se
wo mehandi nahi hai mere dil ka khun hai

Ghanay Darakht K Neechay Sula K Chor Gaya
Ajeeb Shaks Tha Sapnay Dikha K Chor Gaya
Yeah Ujra Ghar To Usii Aik Ki Nishaani Hai
Jo Apne Naam Ki Takhti Laga K Chor Gaya

Mohabbat ki keemat adaa hum karenge,
Jafayen karo tum wafa hum karenge,
Dua jab ke dete hain hum dushmano ko,
Kyun tere liye badd-Dua hum karenge.

Aatish-e-gam ke siva kuch bhi nahi de sakte,
Ashk-e-paiham ke siva kuch bhi nahi de sakte,
Tum humein bhool hi jaao mere adil ab to,
Hum tumhe gam ke siva kuch bhi nahi de sakte.

Ghar kisi ka bhi wo kayaamm nahi hone deta,
Marne waale ka bhi maatam nahi hone deta,
Itna sangdil hai wo ishrat ke kisi keemat par
Ooncha pyaar ka wo parcham nahi hone deta.